Кыргыз спортчулары Олимп Оюндарына даярдануусун токтотту

Кыргызстандын спортчулары Олимп Оюндарына жана лицензиялык мелдештерге даярдыктарын токтотту. Бул тууралуу “Медиа центр” мультимедиалык-маалымат агентигине Спорттун олимпиалык түрлөрү боюнча дирекциянын маалымат катчысы Мирлан Бекболотов билдирди.

 

Катчынын айтуусуна караганда спортчулар учурда жекече машыгууларга өттү.

 

“Спорттун олимпиадалык түрлөрү менен улуттук курамда жүргөн спортчулар Олимп оюндары жылдырылгандан кийин курам менен машыгууларын токтотту”, - деди Бекболотов

 

Эске салсак, Токио Олимп оюндары 2021-жылга жылдырылган. Кыргызстандан учурда мелдешке жолдомону жөө күлүктөр Дарья Маслова жана Юлия Андреева, балбандар Атабек Азисбеков менен Айсулуу Тыныбекова, сууда сүзүүчү Денис Петрашов алган.