Бүгүн, 6-августта саат 05:10 чамасында Баткен районундагы кыргыз-тажик чек арасында ок атылды. Бул тууралуу маалыматты “Медиа центр” мультимедиалык-маалымат агенттигине Мамлекеттик чек ара кызматынан тастыкташты.
Маалыматка караганда, окуя Баткен районунун Эки-Таш аймагындагы чек арада катталды.
"Тажикстан тараптан белгисиз адамдар ок чыгарып, (болжол менен аңчылык курал) кыргыз тараптын чек арачысынын колуна тийди. Ага медициналык жардам көрсөтүлүп, абалы канаттандырарлык. Учурда эки өлкөнүн чек арачыларынын сүйлөшүүсү өтүп жатат. Саат 10:00го карата чек арадагы абал туруктуу", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн