Кыргыз-тажик делегациясынын топографиялык жумушчу тобу 2 аймакты аныктап, протоколго кол койду

Кыргыз-тажик чек арасын делимитациялоо жана демаркациялоо боюнча өкмөттүн делегациясынын макулдашуусуна ылайык, 5-9-май күндөрү Ош шаарында топографиялык жумушчу топторунун кезектеги жолугушуусу болуп өттү. Бул тууралуу Тажикстандын тышкы иштер министрлиги билдирди.

Маалым болгондой, жолугушуунун жыйынтыгында №43 чекиттен №61 чекитке чейинки аймак жана №135 чекиттен №141 чекитке чейинки аймак аныкталып, тиешелүү протоколго кол коюлган.

Тараптар кийинки жолугушууну Тажикстандын аймагында өткөрүүнү макулдашты. Жолугушуу достук маанайда өткөн.