Кыргыз тилде сүйлөшөлү. Айсулуу Тыныбекова Мамлекеттик тил күнү менен куттуктады

Олимпиада оюндарынын күмүш медаль ээси Айсулуу Тыныбекова кыргызстандыктарды Мамлекеттик тил күнү менен куттуктады.

Төмөндө Тыныбекованын куттуктоосу;

Урматтуу достор!

Баарыңыздарды бүгүнкү мамлекеттик тил күнү менен чын жүрөктөн куттуктайм!

"Эне тили болбосо, аты аталбайт улуттун" дегендей, кыргыз тилинин тарыхы - бул биздин элибиздин тарыхы.

Бүгүнкү күндө тил маселеси, мамлекетибиздин негизги багыттарынан болуп эсептелет!

Андыктан келгиле достор кыргыз тилинде сүйлөшүп эне тилди өнүктүрөлү!

Эне тилин билүү - улутуңа жана тегиңе болгон урмат-сыйдын белгиси.