Кыргыз-түрк достук ооруканасында органдарды алмаштырууга керектүү жабдыктар орнотулду

Кыргыз-түрк достук ооруканасында органдарды алмаштырууга керектүү жабдыктар орнотулду.

Аппарат донор менен реципиенттин кыртышынын шайкештигине ылайык терүүнү жүргүзүүгө жардам берет. Буга чейин Кыргызстанда мындай жабдуулар жок болчу, бейтаптарды Казакстанга жана башка өлкөлөргө жөнөтүш керек болчу.

Буга чейин аталган аппаратты сатып алууга мамлекеттик бюджеттен 21 миллион сом бөлүнгөнү маалымдалган.

Кыргыз-түрк достук ооруканасында бөйрөк алмаштыруу боюнча биринчи операция жасалды. Буга чейин бөйрөктү алмаштыруу операциялары Эне жана баланы коргоо улуттук борборунда жасалып келген.