Киргизилген чектөөлөргө карабай Бишке шаарында айрым тургундар көчөлөрдө ээн-эркин жүрөт. Бул тууралуу Саламаттык сактоо министрлигинин коомдук саламаттыкты сактоо башкармалыгынын башчысы Айнура Акматова бүгүн, 26-мартта маалымат жыйында кабарлады.
Анын айтусуна караганда шаарда элдер чогулуп алып жүргөн жагдайлар катталууда.
“Дүйнөлүк саламаттыкты сактоо уюму биздин өлкөлөрдү өзүн-өзү изоляциялоо сактабай турганын айтты. Үй карантинди сакташ керек, илдетти дарылоого бул чоң жардамыңар болот. Киргизилген чектөөлөргө карабай айрым тургундар көчөлөрдө ээн-эркин жүрөт. Бүгүнкү күндө үйдө отуруп, тартипти сактоо негизги максат экенин эстен чыгарбайлы”, - деди Акматова.
Белгилей кетсек, буга чейин жалысынан 44 адам вирусту жуктурганы аныкталган. Алар Ноокат, Сузак, Кара-Суу райондорунда, Баткен облусунда жана Бишкек шаарында катталган. Учурда жуктуруп алгандардын бардыгы өзү жашаган аймактардагы жергиликтүү ооруканаларда дарыланып жатышат.
Пикирлер (0)
Пикир жок. Сиз биринчилерден болушуңуз мүмкүн