Тышкы иштер министри Чыңгыз Айдарбековдун Бириккен Араб Эмираттарынын тышкы иштер жана эл аралык кызматташуу министри шейх Абдалла бин Заед Аль Нахайян менен телефон аркылуу сүйлөшүүсү болду.
Мекеменин басма сөз кызматы билдиргендей, маектешүүнүн
жүрүшүндө эки өлкөнүн тышкы саясий ведомстволорунун башчылары коронавирустук
инфекцияга байланышкан эпидемиологиялык кырдаалга каршы аракеттенүү боюнча
бирдиктүү колдоолор жана чаралар маселелерине өзгөчө көңүл бөлүү менен, эки
тараптуу кызматташуунун абалын жана аны мындан ары өнүктүрүүнүн келечегин
талкуулашты.
КР ТИМ башчысы COVID-19 менен күрөшүүдө кыргыз тарапка гуманитардык жардам көрсөткөндүгү үчүн эмират тарабына ыраазычылыгын билдирди жана Кыргызстан менен гуманитардык кызматташууну улантуу боюнча БАЭ Өкмөтүнүн ниетин кубаттады.
Ошондой эле Ч.Айдарбеков кесиптешин БАЭнин жана бүтүндөй араб дүйнөсүнүн прецедентсиз жетишкендиги - «Үмүт» («Надежда) зондунун Марс планетасына ийгиликтүү учуусу менен куттуктады.
Пикирлер (0)
Пикир жок. Сиз биринчилерден болушуңуз мүмкүн