Коронавируска байланыштуу кырдаалдан улам Кыргызстан Иран менен аба каттамдарын убактылуу токтотту. Бул тууралуу Жарандык авиация департаментинин жетекчиси Курманбек Акышев журналисттерге билдирди.
Анын айтымында, Тегеран-Дүйшөмбү-Бишкек-Тегеран каттамына убактылуу чектөө киргизилген. Тегеран-Дүйшөмбү-Бишкек-Тегеран каттамы 2019-жылы декабрдан тартып ишке кирген болчу.
Иран коронавируска чалдыккандар жана андан набыт болгондордун саны жагынан Кытай менен Италиядан кийинки орунда турат.
Расмий Тегерандын маалыматы боюнча, Иранда оору 10 миңден ашуун кишиге жукту, илдеттен 429 адам көз жумду.
Пикирлер (0)
Пикир жок. Сиз биринчилерден болушуңуз мүмкүн