Министрлер кабинетинин төрагасынын орун басары Жылдыз Бакашова Япониянын Кыргызстандагы элчиси Сигэки Маэда менен жолугушту. Бул тууралуу Министрлер кабинетинин басма сөз кызматы билдирди.
Жолугушуу жүрүшүндө Жылдыз Бакашова пандемиянын оор кесепеттерин жоюу максатында Япониянын көрсөткөн жардамдарын баса белгиледи.
Элчи менен Бакашова коронавируска каршы вакцинациялоо маселесин талкуулашты. Кыргыз өкмөтү өнөктөш өлкөдөн коронавирус илдетинин кайрадан жайылышына жол бербөө үчүн 1,1 миллион доза вакцина сурады.
Өз кезегинде элчи Сигэки Маэда JICA программасынын долбоорлорун ишке ашырууну сунуштады.
Пикирлер (0)
Пикир жок. Сиз биринчилерден болушуңуз мүмкүн