Кыргызстан күмүш сатууну кескин жогорулатты

Кыргызстан 10 айдын ичинде 10 тонна 556 килограмм күмүштү экспорт кылган. Бул тууралуу Улуттук статистикалык комитет билдирди.

Баалуу металлдын 220 килограммы Турцияга сатылган болсо, калганы Швейцарияга экспорттолгон. Экспорттолгон күмүштүн жалпы көлөмү 6,3 миллион долларга бааланат.

Мурдагы жылы ушул эле январь-октябрь айларында Кыргызстан 6,2 тонна күмүш экспорттоп, ал 3,1 миллион долларга бааланган. Сатып алуучу мамлекеттер: Турция, Швейцария жана Улуу Британия болгон.