Кыргызстандын Беларустагы элчиси Эрбол Султанбаев менен Беларустун Улуттук Жыйынынын Эл өкүлдөр палатасынын төрагасы Игорь Сергеенконун жолугушуусу болуп өттү.
ТИМден билдиришкендей, жолугушуунун жүрүшүндө тараптар Кыргыз Республикасы менен Беларусь Республикасынын ортосундагы кызматташтыкты өнүктүрүү, анын ичинде парламенттер аралык өз ара аракеттенүүнү күчөтүү, соода-экономикалык жана гуманитардык байланыштарды кеңейтүү маселелерин талкуулашты.
Парламенттердин ортосундагы өз ара аракеттенүүнү активдештирүү максатында тараптар Кыргызстандын Жогорку Кеңешинин жана Беларустун Улуттук Ассамблеясынын достук топторунун жана адистештирилген комитеттеринин биргелешкен жыйындарын өткөрүү, ошондой эле көп тараптуу парламенттер аралык түзүмдөрдүн алкагында биргелешкен иштерди жүргүзүү мүмкүнчүлүгүн карашты.
Пикирлер (0)
Пикир жок. Сиз биринчилерден болушуңуз мүмкүн