Президент Садыр Жапаров “2024-жылдын 27-сентябрында Нью-Йорк шаарында кол коюлган Кыргыз Республикасынын Министрлер Кабинети менен Таиланд Королдугунун Өкмөтүнүн ортосундагы дипломаттык жана кызматтык/расмий паспорттордун ээлери үчүн визасыз режим жөнүндө макулдашууну ратификациялоо тууралуу” КР мыйзамына кол койду.
Мыйзам 2025-жылдын 30-январында Жогорку Кеңеш тарабынан кабыл алынган.
Жогоруда белгиленген Макулдашуу менен Кыргыз Республикасынын жарандарынын – дипломаттык жана кызматтык паспортторунун ээлери, Таиланд Королдугунун жарандарынын – дипломаттык жана расмий паспортторунун ээлери эгерде бир Тараптын мамлекетинин жарандары экинчи Тараптын мамлекетинин аймагында башка иш, эмгек же ишкердик менен алектенбеген шартта, Макулдашуунун тараптарынын аймагына кирүү, чыгуу, транзит жана болуу үчүн кирген күндөн тартып токсон (90) күндөн ашпаган мөөнөткө визалык талаптардан бошотулары каралган.
Макулдашууну ратификациялоо ишкердик мобилдүүлүктү өнүктүрүү үчүн жагымдуу шарттарды түзөт жана жарандарды – дипломаттык жана кызматтык/расмий паспорттордун ээлерин Макулдашуунун тараптарынын мамлекеттеринин аймагында жүрүүсүн жеңилдетет.
Пикирлер (0)
Пикир жок. Сиз биринчилерден болушуңуз мүмкүн