Кыргызстан менен Тажикстан 23 гектар жерди алмашуу үчүн макулдашкан. Бул тууралуу Тажикстандын «Азия-Плюс» маалымат сайты жазып чыкты. Анда айтылгандай, эки өлкөнүн вице-премьер-министрлери жетектеген чек араны делимитациялоо боюнча өкмөттөр аралык комиссиянын 22-февралда Баткен облусунда өткөн жумушчу жыйынында ушундай келишимге жетишкен.
Бирок, ошол эле учурда кайсы аймактардын алмаштырыла тургандыгы айтылган эмес. Мындан сырткары, Кыргызстандын Баткен облусу менен Тажикстандын Согди облусунун 2020-жылга кызматташуу иш-чараларынын планы бекитилген. Аталган маселе боюнча кезектеги жолугушуу ушул жылдын март айынын аягында болмокчу.
Пикирлер (0)
Пикир жок. Сиз биринчилерден болушуңуз мүмкүн