Акыркы бир жарым жыл ичинде Кыргызстан менен Тажикстан мамлекеттик чек аранын 102 чакырым долбоордук сызыгын макулдашты. Бул тууралуу коңшу өлкөнүн президентинин басма сөз кызматы билдирди.
Кыргызстан менен Тажикстандын чек арасынын узундугу 950 чакырымдан ашык экени такталган. Маалым болгондой, учурда тараптар жалпысынан 626 километрге жакын участоктун долбоорун бүтүрүшкөн.
Мурдараак маалымдалгандай, Садыр Жапаров менен Эмомали Рахмон чек ара боюнча сүйлөшүүлөрдү натыйжалуу улантууну колдошот.
Эске салсак, президенттердин эки тараптуу жолугушуусу Чолпон-Атада Европа Биримдиги-Борбор Азия саммитинин алкагында өткөн.
Пикирлер (0)
Пикир жок. Сиз биринчилерден болушуңуз мүмкүн