Будапештте Кыргызстандын Венгриядагы элчиси Талантбек Кушчубеков Венгриянын Маданият жана инновациялар министрлигинин статс-катчысынын орун басары Габор Чаба менен жолугушту.
ТИМден билдиришкендей, жолугушуунун жүрүшүндө тараптар Кыргызстан менен Венгриянын ортосундагы маданий-гуманитардык кызматташтыкты өнүктүрүүнүн перспективаларын, анын ичинде жогорку билим берүү жаатындагы маселелерин талкуулашты.
Тараптар эки тараптуу кызматташуунун актуалдуу маселелери, атап айтканда, Бишкек шаарында ректорлордун экинчи Кыргыз-Венгер конференциясын өткөрүү, ошондой эле жогорку билим берүү тармагындагы жумушчу топтун кезектеги отуруму боюнча пикир алмашты.
Тараптар ошондой эле кыргыз-венгер биргелешкен толук метраждуу көркөм тасмасын тартуу мүмкүнчүлүгүн талкуулашты.
Пикирлер (0)
Пикир жок. Сиз биринчилерден болушуңуз мүмкүн