Кыргызстандын Өзбекстандагы элчиси Муса Жаманбаев Өзбекстандын тышкы иштер министринин орун басары Бобур Усманов менен жолугушту.
КР ТИМден билдиришкендей, жолугушуунун жүрүшүндө тараптар 2023-жылдын 15-16-августунда Чолпон-Ата шаарында болуп өткөн өкмөттөр аралык комиссиянын 10-жыйынын канааттануу менен белгилешти жана жетишилген макулдашууларды ишке ашыруу зарылдыгын талкуулашты.
Мындан тышкары, тараптар кыргыз-өзбек кызматташтыгынын учурдагы маселелерин жана келечектүү багыттарын талкуулашты.
Тараптар ошондой эле үстүбүздөгү жылдын аягына чейин жогорку деңгээлде пландаштырылган бир катар иш-чараларды ийгиликтүү өткөрүү үчүн күч-аракеттерди жумшоону макулдашты.
Пикирлер (0)
Пикир жок. Сиз биринчилерден болушуңуз мүмкүн