Чын курандын 03, 2025
Убакыт: 14:35
USD
86.60
87.10
EUR
94.70
95.70
RUB
1.015
1.050

Кыргызстан жакында башка өлкөлөрдүн паспортторун чыгара баштайт

01.04.2025 11:28
75
Кыргызстан жакында башка өлкөлөрдүн паспортторун чыгара баштайт


Кыргызстан жакында алты мамлекеттин паспортторун чыгарат. Бул тууралуу 31-мартта президенттин Иш башкармалыгынын башчысы Каныбек Туманбаев журналисттерге билдирди.


Анын айтымында, учурда Африканын Гана жана Намибия өлкөлөрү менен паспорт даярдоо боюнча келишим түзүлгөн.


“Кийинки жумада чет мамлекеттер менен дагы төрт келишимге кол коюлат. Бирок, келишимдерге кол коюлмайынча азырынча бул кайсы өлкөлөр экендигин айта албайм. Бул тууралуу паспорт даярдоо боюнча келишимге түзүлгөндөн кийин гана билдиребиз”,- деди Туманбаев.


Эске салсак, Кыргызстан өз паспортторун 2023-жылдын сентябрь айынан тарта басып чыгара баштаган. Документтерди “Учкун” мамлекеттик басмаканасы чыгарат. Буга чейин өлкө ID-карталарды жана жалпы жарандык паспортторду чет өлкөдөн буйрутма менен алып келген. 


Туманбаев белгилегендей, буга чейин Кыргызстандын айдоочулук күбөлүктөрү Казакстандын Алматы шаарында чыгарылып келсе, эми өзүбүздөн басып чыгаруу аракети көрүлүп жатат.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн