Кыргызстанда 11-классты аяктаган 60,5 миң улан-кыз аттестаттарын колго алышты

Кыргызстанда коронавирус пандемиясынын тополоңу менен менен коштолгон мектептердеги окуу жылы социалдык обочолонуу режиминде капыл-тапыл жыйынтыкталды. 18 жана 20-июнь күндөрү республикабыздагы 2200дөн ашык жалпы билим берүүчү мектептин 9 жана 11-класстарынын аяктоочуларына күболүктөр менен жетилүү аттестаттары тапшырылды.

Быйыл 9-классты аяктаган 105 миң 689 окуучуга жалпы билим тууралуу күбөлүктөр, 11-классты бүтүргөн 60 миң 533 окуучуга жетилүү аттестаттары берилди деп билдирди өлкөбүздүн Билим берүү жана илим министрлигинин басма сөз кызматы. Арийне, аттестаттар эмес, бүтүрүүчүлөрдүн алган билимдери кандай болду деген суроо баарыбызды түпөйүл кылууда.