Кыргызстанда 3 миңге чукул адамдан лабораториялык анализ алынды

Кыргызстанда үстүбүздөгү жылы 5-февралдан баштап 26-мартка чейин 2940 адам коронавирус инфекциясына карата лабораториялык изилдөөдөн өттү. Мындай маалыматты саламаттык сактоо министрлигинин коомдук саламаттыкты сактоо башкармалыгынын башчысы Айнура Акматова бүгүн, 26-мартта маалымат жыйында билдирди.

Анын айтымында, бул алынган анализдерден 26-мартка карата 44 адамдан аныкталды. Алар менен түз байланышта болгон 1328 адам (туугандары, кошуналары) тастыкталды, ал эми 360 адам үй-бүлөлүк байланышта болгондор.

Кечээ катталган эки адамдын биринде 5 контакт, биринде 6 контакт болду. Ал адамдар үй карантинине жана обсервацияга алынган жарандар болуп чыкты.