Кыргызстанда 3 күндө 3,5 млн бет кап сатылды

Кыргызстанда башында 3,5 млн бет кап бар болчу, аларды 3 күндүн ичинде таратып бергенбиз, деп билдирди премьер-министр Мухаммедкалый Абылгазиев бүгүн, 19-мартта парламентте коронавирустун жайылышына каршы көрүлүп жаткан чаралар жөнүндө КР Өкмөтүнүн маалыматын берип жатып.

Анын айтымында, учурда Ошто жана Бишкек шаарларында бет кап өндүрүлүп баштады. Бул компанияларда күнүнө 70 миң данага жакын чыгарууга мүмкүнчүлүк бар.   

Ошондой эле премьер-министр өлкөдөгү сатууда турган бет каптар 3 күндө сатылып кеткенин айтты. Себеби айрым ишкерлер миллиондоп сатып алып, башка мамлекетке сатууга аракет көрүшкөн, деп кошумчалады ал.