Кыргызстанда 35 градуска чейин күн ысыйт, - 31-майга карата аба ырайы

Эртең, 31-майда түнкүсүн Ысык-Көл, Нарын облустарынын кээ бир райондорунда, Чүй, Жалал-Абад, Ош облустарынын тоолуу райондорунда өткүн өтүп, күн күркүрөшү ыктымал.

Калган аймактарда күн ачык болот. Күндүз Нарын облусунун айрым райондорунда, Ош, Жалал-Абад, Баткен облустарынын тоо этектеринде жаан тоолуу райондорунда күн күркүрөйт, Чүй, Талас, Ысык-Көл облустарында күн ачык болот. Түндүк-чыгыш тараптан соккон шамалдын ылдамдыгы секундасына 5-10 метрден, кээ бир райондордо 15-20 метрге жетиши мүмкүн.

Абанын температурасы:

Чүй облусунда түнкүсүн 12…17, күндүз 28…33;

Талас облусунда түнкүсүн 10...15, күндүз 28…33;

Ош, Баткен, Жалал-Абад облустарында ​түнкүсүн 14…19, күндүз 30…35;

Ысык-Көл облусунда түнкүсүн 7…12, күндүз 23…28;

Нарын облусунда түнкүсүн 0…5, күндүз 8…13;

Бийик тоолуу аймактарда түнкүсүн 6…11, күндүз 23…28 градус болот.

Бишкекте жаан-чачын жаабайт. Абанын температурасы түнкүсүн 14…16, күндүз 30…32 градус болот.