Кыргызстанда Covid-19 жуктурган дарыгерлердин саны 134кө жетти

Кыргызстанда бүгүн, 19-апрелге карата дагы 18 дарыгер Covid-19 инфекциясын жуктуруп алганы тастыкталды. Бул тууралуу саламаттыкты сактоо министринин орун басары Нурболот Үсөнбаев онлайн-брифингде билдирди.

Анын айтуусунда, муну менен жалпы республика боюнча илдетке чалдыккан медицина кызматкерлеринин саны 134тү түздү.

Жаңы катталган дарыгерлердин ичинен Жалал-Абад облусунда - 4, Баткен облусунда – 1, Ош облусунда - 2, Ош шаарында – 4, Нарын облусунда – 3 жана Бишкек шаарында – 4.