Кыргыз Республикасынын Башкы прокуратурасынын оор кылмыш жасагандыгы боюнча издөөдө жүргөн айыпкерди экстрадициялоо тууралуу суроо-талабы Испаниянын Юстиция министрлиги тарабынан канааттандырылды. Бул тууралуу Башкы прокуратуранын маалымат кызматы билдирди.
Белгилей кетсек, 2021-жылы айыпталуучу Э.уулу.А. “А.Б.” аттуу жаранды бычактап, ден-соолугуна оор зыян келтирип, өлкөдөн качып кеткен. Ага карата укук коргоо органдары тарабынан эл аралык издөө жарыяланып, Испаниянын Мадрид шаарында кармалган.
2023-жылдын 22-февралында Кыргыз Республикасынын Башкы прокуратурасынын тапшырмасы боюнча КР ИИМ кызматкерлери тарабынан Бишкекке алынып келинди.
Пикирлер (0)
Пикир жок. Сиз биринчилерден болушуңуз мүмкүн