Кыргызстанда 2024-жылдын январында 2023-жылдын декабрына салыштырмалуу күйүүчү майдын бардык түрлөрү арзандады. Бул тууралуу Улуттук статистикалык комитеттен билдиришти .
Эгерде өткөн жылдын 31-декабрында республика боюнча АИ-95 үлгүсүндөгү бензин орточо эсеп менен 71,36 сомду түзсө, быйыл январь айынын аягында 2,37 сомго арзандап, 68,99 сомду түзгөн. Бирок 2023-жылдын январь айына салыштырмалуу баа 7,15 сомго кымбаттаган.
92-бензин 1,91 сомго - 63,73 сомдон 61,82 сомго арзандады. Бирок былтыркы жылдын биринчи айына салыштырмалуу 6,24 сомго кымбат.
Дизель майынын баасы 2023-жылдын декабрына да, былтыркы жылдын январына да арзандаган. Декабрдын аягында дизель майы 71,48 сом болсо, январдын аягында 69 тыйынга арзандаган — 70,79 сомдон сатылган. 2023-жылдын январынан айырмаланып, анын баасы 3,74 сомго төмөндөгөн.
Пикирлер (0)
Пикир жок. Сиз биринчилерден болушуңуз мүмкүн