Кыргызстанда чет элдик номерлүү унааларды мыйзамдаштыруунун биринчи этабы башталды. Бул тууралуу Транспорттук каражаттарды жана айдоочулук курамды каттоо боюнча мамлекеттик агенттиктин басма сөз кызматы билдирди.
Маалыматка ылайык, мыйзамдаштыруу 2025-жылдын 1-октябрына чейин созулат жана төмөнкү үч этаптан турат:
- Биринчи этап - укук белгилөөчү документтер болгон учурда, чет өлкөлүк номерлүү унааларды мыйзамдаштыруу.
- Экинчи этап – тиешелүү техникалык абалындагы, укуктуу документи жок унааларды мыйзамдаштыруу.
- Үчүнчү этап - менчик ээлерине укук белгилөөчү документтери жок (запастык бөлүктөргө сатуу, өлкөдөн алып чыгуу, утилдештирүү ж.б.) транспорт каражаттарын ээликтен ажыратуу мүмкүнчүлүгүн берүү.
Учурда легалдаштыруу жол-жобосу мамлекеттик агенттиктин бардык аймактык бөлүмдөрүндө биринчи этапка кирген унаалар үчүн бар. Мыйзамдаштыруунун экинчи этабы болжолдуу түрдө май айында башталат.
Пикирлер (0)
Пикир жок. Сиз биринчилерден болушуңуз мүмкүн