Кыргызстанда дагы 12 медиктен коронавирус табылды

Бир сутка ичинде өлкө боюнча 12 медициналык кызматкер коронавирус жуктуруп алганы аныкталды. Бул тууралуу республикалык штабдан билдиришти. 

Жаңы учурлар: 

- Ош шаарында – 1

- Баткен облусунда – 2

- Ош облусунда – 1

- Жалал-Абад облусунда – 7

- Ысык-Көл облусунда – 1

Ал эми бир суткада стационардан 2, үй карантининен 5 медициналык кызматкер чыгарылган.

Жалпысынан республика боюнча COVID-19 диагнозу менен медициналык кызматкерлер арасында – 3449 учур катталды, алардын ичинен 3096 медкызматкер айыгып чыкты.