Кыргызстанда эки гана лаборатория эл аралык стандарттарга жооп берет. Бул тууралуу саламаттыкты сактоо министринин орун басары Мадемин Каратаев 26-июнда "ЭлТР" каналындагы түз эфирде билдирди.
Анын айтымында, эки лаборатория Бишкек жана Ош шаарларында жайгашкан.
"Мындан тышкары, дагы 13 мобилдүү лабораториялар аймактарда иштеп жатышат. Учурда алардын абалы оор болгонуна карабай, иштерди жүрзүшүүдө. Азыр GeneXpert ыкмасы менен COVID-19 вирусуна текшерүү жүргүзүп баштадык. Бул лаборатория Улуттук фтизиатрия борборуна орнотулуп, бир сааттын ичинде 8 анализди текшерүү мүмкүнчүлүгүн жана 99%га чейин так жыйынтык берет. Учурда 6 500 тестирлөө жүргүзүүгө шарт түзүлгөн”, - деди ал.
Пикирлер (0)
Пикир жок. Сиз биринчилерден болушуңуз мүмкүн