Ички каттамдагы жолдор качан ачылаары али белгисиз

Кыргызстандын аймактары боюнча ички каттамдар качан ачыла турганын Транспорт жана коммуникациялар министрлиги чечпейт. Бул тууралуу министр Жанат Бейшенов Жогорку Кеңештин бүгүн, 20-майда депутат Бакирдин Субанбековдун суроосуна жооп берип жатып билдирди.

Министрдин айтымында, бул маселе боюнча учурда Республикалык ыкчам штаб карап жатат. Өлкөдөгү эпидемиологиялык кырдаалга жараша Саламаттыкты сактоо министрлигинин берген сунушу боюнча чечим кабыл алынат.

“Бул маселени биз чечпейбиз, азырынча ички каттамдагы жолдор качан ачылаары белгисиз”, - деди министр.