Кыргызстанда коронавирус жуктуруп алып, ооруканада жаткан адамдардын саны 241 кишини түзөт. Бул тууралуу саламаттыкты сактоо министри Сабиржан Абдикаримов бүгүн, 8-апрелде онлайн брифингде билдирди.
Анын айтымында, 9 адамдын абалы оор, алардын ичинен 5 адам жандандыруу бөлүмүндө жасалма дем алдыруу аппараты жана кислород менен дем алып жатат.
Ал эми оорудан айыгып, үйлөрүнө чыккандар 25 адам, бүгүн дагы Жалал-Абад облусунда 10 адам үйлөрүнө чыгарылат.
Бул илдеттен өлкөдө баш аягы 4 адам каза болду.
Обсервацияда жаткан жарандардын жалпы саны 1097 адамды түзөт, алардын 439у үй карантининде.
Пикирлер (0)
Пикир жок. Сиз биринчилерден болушуңуз мүмкүн