Өлкөдө коронавирустан дагы бир бейтап көз жумду. Бул тууралуу 5-майдагы брифингде саламаттыкты сактоо министринин орун басары Нурболот Үсөнбаев билдирди.
Анын айтымында Бишкек шаарындагы Республикалык клиникалык жугуштуу оорулар ооруканасында COVID-19 вирусунан 69 жаштагы бейтап каза болгон.
“Анда пневмония, үчүнчү даражадагы курч мүнөздөгү дем жетишсиздиги жана баш мээсинде шишик диагноздолгон. Мындан тышкары бейтап кант диабетинен жабыркап, инсулин алчу", - деди Үсөнбаев.
Кыргызстанда коронавирус инфекциясы диагнозу менен жалпы 11 киши көз жумду.
Пикирлер (0)
Пикир жок. Сиз биринчилерден болушуңуз мүмкүн