Кыргызстанда коронавирустан каза болгондордун саны дагы төрткө көбөйдү

Өткөн сутка ичинде 4 бейтап COVID-19 инфекциясынан каза болду. Бул тууралуу саламаттыкты сактоо министринин орун басары Мадамин Каратаев брифингде билдирди.

Маалыматка ылайык, көз жумган адамдарда коронавирустан сырткары өнөкөт оорулары болгон.

Каза болгондор:

Республикалык клиникалык инфекциялык ооруканасынан – 1 бейтап (эркек, 73 жашта);
Ош шаардык клиникалык ооруканасынан – 1 бейтап (эркек, 53 жашта);
Токмок аймактык ооруканасынан – 1 бейтап (эркек, 86 жашта);
Ысык-Ата аймактык ооруканасынан – 1 бейтап (эркек, 41 жашта).

Жалпы каза болгондордун саны 92 кишини түздү.