Кыргызстанда коррупцияны кабылдоо рейтингинде 6 позицияга көтөрүлдү

Кыргызстан Коррупцияны кабылдоо индекси-2019 рейтингинде позициясын жакшыртып, 6 баскычка көтөрүлдү. Бул тууралуу өкмөттүн басма сөз кызматы билдирди.

Жалпысынан Кыргыз Республикасынын эл аралык рейтингдердеги интеграцияланган позициялары жакшырган жана пайыз менен көрсөтүлгөндө 2018-жылы – 45,2 %, 2019-жылы – 46,1% болгон. 

Коррупциянын кабылдоо индекси-2019да Кыргыз Республикасы 180 өлкөнүн ичинен 126-орунду алган. Тактап айтканда рейтингде өзүнүн позициясын 6 позицияга (2018-жылы 180 өлкөнүн ичинен 132-орун) жакшырткан. Ал эми Россия 137-орун, Тажикстан 153-орун жана Өзбекстан 153-орунга татыган. Казакстан болсо 113-тепкичке чыгып, Армениядан (77-орун) артта калган.

Белгилей кетсек, Коррупцияны кабылдоо индекси өлкөнүн ишкерлеринин жана эксперттеринин позициясынан алганда мамлекеттик сектордо коррупцияны кабылдоонун деңгээлин баалайт.