Билим берүү мекемелери 8-апрелден тарта аралыктан окута баштайт

Өлкө аймагында 8-апрелден тарта окуу жайлар аралыктан окутууну баштайт. Бул тууралуу Билим берүү жана илим министри Каныбек Исаков айтты.

 

Анын айтуусуна караганда бир үйдө 2-3 окуучу бар экенин эске алып сыналгы аркылуу окутууга да атайын убакыттар белгиленет.

 

“Кырдаалга жараша ыңгайлашууга мүмкүн болушунча аракет жасадык. Аралыктан окутуу боюнча Бишкек шаарындагы Креатив-Таалим, №5 Улуттук гимназия, №61, №13чү мектеп жана Ош шаарындагы алдынкы мектептерден 210 мугалимди атайын видео сабактарды окутуу боюнча даярдадык. 1-класстан 11-класска чейинки баардык, 4-чейректе окутула турган сабактар тууралуу видео сабактарды тартып, монтаждап жатабыз”, - деди Исаков.

Ал эми окутуулар мамлекеттик каналдар аркылуу жүргүзүлөрүн, сабактардын узактыгы 20 мүнөткө созуларын кошумчалады.