Министрлер кабинети «Кыргыз Республикасынан айыл чарба товарларынын айрым түрлөрүн ташып чыгууга (экспорттоого) убактылуу тыюу салуу жөнүндө» токтом кабыл алды. Бул тууралуу Айыл чарба министрлиги билдирди.
Буудай унун жана буудай данын экспорттоого алты айга тыюу салынды. Мындай чечим азык-түлүк коопсуздугун камсыз кылуу жана азык-түлүк товарларына базар баасын турукташтыруу максатында кабыл алынды.
Документ 22-сентябрда кабыл алынып, расмий жарыялангандан үч күндөн кийин, башкача айтканда, бүгүнтөн тарта күчүнө кирет.
Пикирлер (0)
Пикир жок. Сиз биринчилерден болушуңуз мүмкүн