Кыргызстанда январь-ноябрь айларында өткөн жылдын декабрына салыштырмалуу инфляция 9,7%га көтөрүлдү. Бул тууралуу Улуттук статистикалык комитет билдирди.
Азык-түлүккө жана алкоголсуз суусундуктарга баалар 11%га, алкоголдук ичимдиктерге жана тамекиге болгон баа 10,8%га, азык-түлүк эмес товарлар 10%га, ошондой эле калкка кызмат көрсөтүүлөр 5,1%га кымбаттады.
Январь-ноябрь айларында керектөө бааларынын жана тейлөөнүн жогорулашы Кыргыз Республикасынын бардык аймактарында белгиленген. Мында инфляциянын максималдуу деңгээли Жалал-Абад облусунда катталып 13,8%га жетип, азык-түлүк эмес товарларга баалар 19%га чейин өскөн.
Пикирлер (0)
Пикир жок. Сиз биринчилерден болушуңуз мүмкүн