Кыргызстанда жаңы окуу жылына кандай даярдык көрүлүүдө?

Мугалимдердин дээрлик 80 пайызы эмдөөдөн өттү. Бул тууралуу Гүлшан Абдылдаева брифингде билдирди.

«Эмдөө жана реалдуу убакытта окутуу боюнча жаңы окуу жылына даярдыктар жүрүп жатат. Бүгүнкү күндө мектепке чейинки билим берүү мекемелериндеги тарбиячылардын 80%, мектеп мугалимдеринин арасында 70-80%, баштапкы жана орто кесиптик билим берүү 60% жана жогорку окуу жайларынын 54,5% мугалимдери COVID-19га каршы эмдөөдөн өтүштү. Айрым билим берүү мекемелеринде 100%га эмдөө жүргүзүлгөнүн белгилейм», - деп билдирди КРнын Билим берүү жана илим министрлигинин башкы адиси Гүлшан Абдылдаева.

Анын айтымында, Билим берүү министрлиги менен Саламаттыкты сактоо жана социалдык өнүктүрүү министрлиги вирустук жугуштуу ооруларды эске алуу менен жаңы окуу жылына даярдык көрүүдө.