Кыргызстанда жумушсуздардын саны көбөйдү

Кыргызстанда жумушсуздардын саны былтыркыга салыштырмалуу 3,4 пайызга өстү. Бул тууралуу Эмгек, социалдык коргоо жана миграция министрлиги билдирди.

Маалыматка ылайык, 2021-жылдын 1-октябрына карата Кыргызстанда 104 миң адам жумушсуз.

Жумушсуздардын эң көп пайызы Жалал-Абад облусунда катталып, анда 22 миң 195 адам туруктуу жумушу жок. Ал эми эң аз көрсөткүч Нарын облусунда катталган.

Жумушсуздардын 46 пайызы аялдар.