Кыргызстандык спортчу Кытайдагы Пара Азия оюндарында күмүш медаль тагынды

Кыргызстандык Жалалидин Абдувалиев Кытайда өтүп жаткан Пара Азия оюндарынан күмүш медаль утту.

Көзү азиз жөө күлүк 5 чакырым аралыкты 17 мүнөт 18 секундада чуркап өткөн.

Ушун менен Пара Азия оюндарынан Кыргызстандын куржунуна экинчи медаль түштү.

Пара Азия оюндарына Кыргызстандын атынан 27 спортчу катышууда.