Кыргызстандык жеңил атлет Украинадагы чемпионатта күмүш байгени багындырды

Жеңил атлетика боюнча курама команданын мүчөсү Мусулман Жоломанов Украинанын ачык чемпионатында тоскоолдуктар менен 3 миң метр аралыкка чуркоо боюнча (8:54:10) 2-орунду ээледи. Бул тууралуу Жаштар иштери, дене тарбия жана спорт боюнча агенттиктен билдиришти.

Мелдеш 9-12-февраль күндөрү Сумы шаарында өттү.

Белгилей кетсек, буга чейин Мусулман Жоломанов Түркиядагы ачык чемпионатта 1 миң 500 метр аралыкта (3:49:47) 3-орунду ээлеп, Кыргызстандын рекордун жаңылаган.