Кыргызстандыктар Башкы прокуратуранын сайты аркылуу милициянын үстүнөн арызданса болот

Укук коргоо органдарынын кызматкерлеринин аракетине же аракетсиздигине даттанууларды Башкы прокуратуранын сайтына калтырсаңыз болот. Бул тууралуу аталган башкармалыктын башчысы Курманкул Зулушев Жогорку Кеңештин жыйынында билдирди.

Депутат Айсулуу Мамашова Башкы прокурорго милиция кызматкери үй-бүлөлүк зомбулукка кабылган жарандын арызын кабыл албай жатканын айтып, Зулушевден прокуратура бөлүмү анын үйүнөн алыс жайгашкандыктан, милиция кызматкеринин үстүнөн интернет аркылуу арызданса болобу деп сурады.

Башкы прокурор ведомствонун сайтындагы бардык кайрылуулар текшерилип жатканын айтып, арыздарын жарандарды ошол жерге калтырууга чакырды.