Кыргызстандыктар Россияга коңшу Казакстан менен чектешкен кургактыктагы өткөрүү пунктулары аркылуу азырынча кире албайт. Бул туурасында Кыргызстандын Россиядагы элчилигинен кабарлашты.
Дипломатиялык өкүлчүлүктөн 2022-жылдын 11-апрелинен тартып Казакстан Кыргызстан, Россия, Өзбекстан менен кургактыктан өтүүчү чек араларын ачканын эске салды. Бирок РФтин коронавирус боюнча чектөөлөрү алынбагандыктан чет өлкөлүктөргө, анын ичинде кыргызстандыктарга Россияга кара жол менен кирүүгө болбойт. Ал эми автоунаа менен Россиядан чыкканга уруксат берилген.
Элчилик Кыргызстандын жарандарынан Россиянын жогоруда аталган автоунаа аркылуу чыгууга гана уруксат боюнча маалыматты эске алууну өтүнөрүн билдирген. Учурда кыргызстандыктарга Россия Федерациясынын аймагына аба аркылуу гана кирүүгө уруксат берилген.
Пикирлер (0)
Пикир жок. Сиз биринчилерден болушуңуз мүмкүн