Кыргызстандын калкынын 71,2 пайызынын коронавируска каршы антителосу бар. Бул 1-апрелге карата алынган маалыматтар, - деп билдирди "Кабар" агенттигинде өткөн маалымат жыйынында Вирустук инфекцияларды көзөмөлдөө боюнча республикалык илимий-практикалык борбордун жетекчиси Зуридин Нурматов.
Анын айтымында, бул оорунун өсүшү азайышы керек дегенден кабар бербейт.
"Калктын 28 пайызында антитело жок, бул болжол менен 1 млн 800 миң адамды түзөт. Биздин маалыматтар боюнча, коронавирус жуккандардын 50 пайызында оору симптомсуз өтөт. Ошентип антителасы жок жарандарды экиге бөлгөндө - 900 миң калк болот. Бүгүнкү күндө алар бир убакытта илдетти жуктуруп алышы мүмкүн. Элдер той өткөрүп, коомдук унааларда тыгылып жүрүшөт, мында коронавирусту жуктуруп алуу тобокелдиги жогору", - дейт ал.
Пикирлер (0)
Пикир жок. Сиз биринчилерден болушуңуз мүмкүн