Кыргызстандыктардын кирешеси былтыр канчага өскөн?

Былтыркы, 2023-жылдын тогуз айында калктын реалдуу акчалай кирешеси өскөнүн Статистика боюнча улуттук комитет билдирди.

Мекеменин маалыматында, өткөн жылдын январь-сентябрь айларында калктын реалдуу акчалай кирешесинин көлөмү 515,8 млрд. сомду түзүп, мурунку жылдын тийиштүү мезгилине салыштырмалуу 11 пайызга көбөйгөн.

Калктын адам башына эсептелген кирешеси (милдеттүү төлөмдөрдөн кийин) айына 9 425 сомду түзгөнү айтылат.