Маданият, маалымат, спорт жана жаштар саясаты министри Кайрат Иманалиев Түркиянын Кыргызстандагы элчиси Жеңгиз Камил Фыратты кабыл алды. Бул тууралуу министрликтин басма сөз кызматы маалымдады.
Маалыматка ылайык, элчи министр Иманалиевди министрлик кызматына дайындалышы менен куттуктады.
Жолугушуунун жүрүшүндө кыргыз-түрк кызматташтыгынын актуалдуу маселелери боюнча пикир алмашуу болуп өттү. Анда министрлик көзөмөлдөгөн тармактардагы эки тараптуу кызматташуунун мындан аркы багыттары, анын ичинде Көчмөндөрдүн дүйнөлүк IV оюндарына кыргыз тараптын катышуусу талкууланды.
Кайрат Иманалиев өз кезегинде Түркия менен мындан аркы өз ара кызматташууга даяр экендигин билдирди.
Пикирлер (0)
Пикир жок. Сиз биринчилерден болушуңуз мүмкүн