Кыргызстандын Тышкы иштер министрлиги Казакстандагы абалга байланыштуу кайрылуу жасады

Кыргызстандын Тышкы иштер министрлиги (ТИМ) Казакстандын аймагында жашаган кыргыз жарандарын эл көп чогулган жерлерге барбоого чакырат.

Ошондой эле министрлик Казакстандагы акыркы окуяларга байланыштуу коңшу мамлекеттин аймагындагы мекендештерибизге өлкөдө туруунун мыйзамдарын жана эрежелерин туура сактап, чагымчылдыкка алдырбай, кандайдыр бир чыр-чатактуу окуяларга катышпоого, жашаган жеринен алыс чыкпоого чакырат.

КР ТИМдин маалымат кызматы, ушул тапта кыргыз-казак көзөмөлдөө-өткөрмө пункттары кадимки штаттык тартипте иштеп жаткандыгын эске салып, мекенине кайтууну каалаган кыргызстандыктар кыргыз-казак чек арасынан тоскоолдуксуз өтө ала тургандыгын билдирди.