Кыргызстандын Түркмөнстандагы мурдагы элчиси Базарбай Мамбетов каза болду

Нефтетрейдерлер ассоциациясынын мурдагы жетекчиси, Кыргызстандын Түркмөнстандагы мурдагы элчиси Базарбай Мамбетов каза болду.

Базарбай Мамбетов 1948-жылы 6-майда Талас районунун Балбал айылында туулган.

1990-жылдары Казакстан, Кыргызстан жана Өзбекстан мамлекеттер аралык кеңешинин аткаруу комитетинин төрагасынын орун басары болгон. Борбордук Азия экономикалык кеңешинин Мамлекеттер аралык кеңешинин аткаруу комитетинде Кыргыз Республикасынын ыйгарым укуктуу өкүлү, вице-премьер-министрлик даражадагы Кыргыз Республикасынын Евразиялык экономикалык шериктештиктеги туруктуу өкүлү (2005-ж.) болуп иштеген.

2005-жылдын июлунан тартып - Кыргыз Республикасынын Нефтетрейдерлер ассоциациясынын президенти. 2010-жылдын майынан 2011-жылдын мартына чейин - Кыргыз Республикасынын Убактылуу Өкмөтүнүн ЕврАзЭС жана КМШ иштери боюнча улуттук координатору.

2011-жылдын мартынан 2013-жылдын 14-майына чейин - Кыргыз Республикасынын Түркмөнстандагы элчиси.

Базарбай Мамбетов 74 жашта болчу.