Кыргызстандын аймагында 3-7-август күндөрү күтүлгөн аба ырайы тууралуу маалымат

Кыргызстандын аймагында 3-7-август күндөрүндө күтүлгөн аба ырайынын болжолу тууралуу Өзгөчө кырдаалдар министрлигинин басма сөз кызматы маалымайт.

Ага ылайык, Чүй, Талас облустарында 3-августта түнкүсүн кээ бир райондордо жаан жаап, күн күркүрөшү күтүлөт. Күндүз Чүй облусунун кээ бир райондорунда жаан жаап, күн күркүрөйт, Талас облусунда күн ачык болот. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.

4-августта түнкүсүн жаан-чачын күтүлбөйт. Күндүз Чүй облусунун кээ бир райондорунда, Талас облусунун тоолуу райондорунда өткүн өтүп, күн күркүрөшү күтүлөт, Талас облусунун дыйканчылык аймактарында жаан-чачын күтүлбөйт.

5-августта болсо түнкүсүн күн ачык болот. Күндүзү жана 6-август күнү Чүй облусунун тоолуу райондорунда өткүн өтүп, күн күркүрөшү ыктымал, Чүй облусунун дыйканчылык аймактарында жана Талас облусунда жаан-чачын күтүлбөйт.

7-августта жаан-чачын жаабайт. Батыштан соккон шамалдын ылдамдыгы секундасына 4-9 метрге жетиши күтүлөт.