Кыргызстандын көпчүлүк аймактарында жаан-чачын күтүлөт, - бүгүнкү күнгө аба ырайы

Бүгүн, 24-июнда түнкүсүн Нарын облусунун көпчүлүк аймактарында, Ош, Баткен, Ысык-Көл облустарынын кээ бир райондорунда, Жалал-Абад облусунун тоо этектеринде жана тоолуу райондорунда, Чүй облусунун тоолуу аймактарында жаан жаап, бийик тоолуу райондордо кар жаашы ыктымал.

Жалал-Абад облусунун, Чүй облусунун дыйканчылык аймактарында жана Талас облусунда күн ачык болот. Күндүз Ош, Жалал-Абад, Ысык-Көл, Нарын облустарынын көпчүлүк аймактарында, Баткен облусунун кээ бир райондорунда, Чүй облусунун тоо этектеринде жана тоолуу райондорунда маал-маалы менен жаан жаап, күн күркүрөйт. Чүй облусунун өрөөндөрүндө жана Талас облусунда жаан-чачын жаабайт. Батыш тараптан келген шамалдын ылдамдыгы секундасына 4-9 метрден, кээ бир райондордо 15-20 метрге жетет.

Абанын температурасы:

Чүй облусунда түнкүсүн 15…20, күндүз 32…34;

Талас облусунда түнкүсүн 11...16, күндүз 28…33;

Ош, Баткен, Жалал-Абад облустарында ​түнкүсүн 16…21, күндүз 30…35;

Ысык-Көл облусунда түнкүсүн 10…15, күндүз 19…24;

Нарын облусунда түнкүсүн 7…12, күндүз 18…23;

Бийик тоолуу аймактарда түнкүсүн -3…+2, күндүз 7…12 градус болот.

Бишкекте күн ачык болот. Абанын температурасы түнкүсүн 18…20, күндүз 32…34 градус болот.