Кыргызстандын лыжа базасы эң популярдуу курорттордун катарына кирди

ТурСтат аналитикалык агенттигинин рейтинги боюнча Кыргызстандагы Каракол лыжа базасы КМШ өлкөлөрүндөгү эң популярдуу курорттордун катарына кирди.

Аталган агенттик россиялык туристтердин эс алуусу үчүн КМШ өлкөлөрүндөгү эң популярдуу курорттордун рейтингин түзгөн. Ага Казакстан, Беларусь, Азербайжан, Армения жана Кыргызстанда жайгашкан лыжа базалар кирген.

ТурСтаттын рейтингинин алгачкы ондугуна Кыргызстандагы Каракол, Казакстандагы Чымбулак, Алтай альптары жана Нуртау лыжа базалары, Беларустагы Логойск жана Силичи, Азербайжандагы Шахдаг жана Туфандаг, Армениядагы Цахкадзор, Өзбекстандагы Чимен жана Армениядагы Цахкадзор лыжа базалары кирди.