Кыргызстандын мамлекеттик бюджетинин кирешеси жарым жылда 4,2% өстү, - ЕӨБ

Биринчи жарым жылдыкта Кыргыз Республикасынын мамлекеттик бюджетинин кирешеси өстү. Бул тууралуу Евразия өнүктүрүү банкынын макроэкономикалык баяндамасында айтылат.

Январь-май айларынын жыйынтыгы боюнча мамлекеттик бюджет ИДПга карата 1,9% профицит менен аткарылды. Мамлекеттик бюджеттин кирешелери январь-июнь айларында ИДПга карата 4,2%га өстү.

Баяндамада белгиленгендей, негизинен Кытай менен тышкы сооданын активдешүүсүнүн эсебинен салыктык түшүүлөр ИДПга карата 1,9%га өскөн.

Бюджеттин чыгашалары, банктын маалыматы боюнча, ИДПга карата 4,5% өстү. Бюджеттик чыгашалардын эң көп өсүшү билим берүү секторунда (ИДПга карата+1,1%) жана социалдык коргоодо (ИДПга карата+1,2%) белгиленди.